آسٹریلیا کی حکومت نے بحرالکاہل کے جزیروں اور تیمور لیسٹ کے شہریوں کو مستقل قیام کا ویزا جاری کرنے کا اعلان کیا ہے۔
”ویزا گائیڈ“ نے بتایا کہ یہ اسکیم لاٹری سسٹم کے تحت ہوگی۔ اہلیت کے حامل افراد سے مستقل ویزا کی درخواستیں وصول کی جائیں گی۔
اس نئی اسکیم کا بنیادی مقصد متعلقہ خطے سے زیادہ لوگوں کو آسٹریلیا لانا اور ثقافتی، کاروباری اور تعلیمی تبادلوں کا دائرہ وسیع کرنا ہے۔
ویزا حاصل کرنے والوں کی اہلیہ اور بچوں کو بھی آسٹریلیا میں قیام کی اجازت ہوگی۔
مائیکرونیشیا، فیجی، کریباتی، نورو، پالو، پاپوا نیو گنی، دی ری پبلک آف دی مارشل آئی لینڈز، سموآ، سولومن آئی لینڈز، تیمور لیسٹ، ٹونگا، ٹوالو اور وانوٹو کے رہائشی آسٹریلیا میں مستقل رہائش کے ویزا کے لیے درخواست جمع کروانے کے اہل ہیں۔
مستقل ویزے کیلئے درخواست گزار کی عمر 18 سے 45 سال کے درمیان ہونی چاہیئے۔
انگریزی بولنے کی صلاحیت کے علاوہ درخواست گزاروں کی صحت اور کردار کو بھی مدنظررکھا جائے گا۔
