پنڈدادنخان: پولیس نے موثر کارروائی کرتے ہوئے عورت کی عفت میں خلل ڈالنے کے مقدمے میں ملوث دو ملزمان کو گرفتار کر لیا۔
تفصیلات کے مطابق جہلم کی تحصیل پنڈدادنخان میں ایس ایچ او تھانہ پنڈدادنخان اور ان کی ٹیم نے کارروائی کرتے ہوئے عورت کی عفت میں خلل ڈالنے والے ملزمان کو گرفتار لیا، جن کے خلاف تھانہ پنڈدادنخان میں مقدمہ درج کر کے قانونی کارروائی کا آغاز کر دیا گیا ہے۔
اس موقع پر طارق عزیز سندھو، ڈسٹرکٹ پولیس آفیسر جہلم نے کہا کہ جرائم پیشہ عناصر کے خلاف بھرپور کریک ڈاؤن جاری رہے گا اور خواتین کے تحفظ پر کسی قسم کا سمجھوتہ نہیں کیا جائے گا۔ انہوں نے واضح کیا کہ ایسے جرائم میں ملوث ملزمان کو قانون کے مطابق قرار واقعی سزا دلوائی جائے گی۔
