جہلم: اسٹیٹ لائف کارپوریشن آف پاکستان کے زونل ہیڈ سید الیاس علی شاہ نے کہا ہے کہ اسٹیٹ لائف پالیسی ہولڈرز کو مالی تحفظ اور استحکام فراہم کر رہی ہے۔
ایک تقریب کے بعد انہوں نے ایم ڈی ایس ایل ایس سرفراز ملک سے اظہار خیال کرتے ہوئے کہا کہ اسٹیٹ لائف پاکستان کی بہترین لائف انشورنس کمپنی ہے، جو ہمیشہ اپنے وعدوں کو پورا کرتی رہی ہے۔
انہوں نے کہا کہ اسٹیٹ لائف ہمیشہ اپنے پالیسی ہولڈرز کی فلاح و بہبود اور تحفظ کو اولین ترجیح دیتی ہے اور اپنی قابل اعتماد خدمات کے ذریعے عوام کا اعتماد جیتی ہے۔
انہوں نے مزید کہا کہ ادارے کی مشتری پر مبنی حکمت عملی اور خدمات نے اسے انشورنس کے شعبے میں ایک معتبر نام بنا دیا ہے۔
انہوں نے اس عزم کا اعادہ کیا کہ اسٹیٹ لائف اپنے کلائنٹس کے مستقبل کو محفوظ بنانے کے لئے بھرپور کوششیں جاری رکھے گی اور پاکستان کے مالیاتی استحکام میں مثبت کردار ادا کرتی رہے گی۔
