جہلم: ملک بھر میں پنشنرز اور فیملی پنشنرز کے لیے لائف سرٹیفکیٹ جمع کروانے کی آخری تاریخ 15 مارچ مقرر کر دی گئی ہے ، اسٹیٹ بینک آف پاکستان کی جانب سے جاری کردہ ہدایات کی روشنی میں اس حوالے سے نوٹیفکیشن بھی جاری کر دیا گیا ہے ۔
مرکزی بینک کی جاری کردہ ہدایات کے مطابق تمام پنشنرز اور فیملی پنشنرز کو سال میں دو مرتبہ لائف سرٹیفکیٹ جمع کروانا ہونا ہے، اس حوالے سے سرٹیفکیٹ جمع نہ کروانے والے پنشنرز کے خلاف سخت کارروائی کی ہدایت کی گئی تھی۔
ایسے تمام پنشنرز جو کہ اپنے لائف سرٹیفکیٹ جمع کروانے میں ناکام رہے کے بینک کائونٹس کو بند کر دیا جائے گا، تمام پنشنرز کو ہدایات جاری کی گئی ہیں کہ کسی بھی تاخیر سے بچنے کے لے اپنے لائف سرٹیفکیٹ کو بروقت جمع کروائیں ۔
پنشنرز حضرات کو ہدایت کی گئی ہے کہ وہ اپنے دستاویزات پورے کرنے کے لیے اپنی قریبی بینک کا وزٹ کریں جبکہ بینکوں میں بائیو میٹرک کے طریقہ کار کو بھی بہتر طریقے سے انجام دیا جائے ۔ اپنے دستاویزات کو مکمل کرنے والے پنشنرز کو ہی بروقت رقم کی ادائیگی کی جائے گی ، حکومت کی جانب سے پنشنرز کے حوالے سے شفاف پالیسی اپنانے کی ہدایت کی گئی ہے ۔
