دینہ پولیس نے رکشہ چوری کے مقدمے میں ملوث ملزم کو گرفتار کر کے چوری شدہ رکشہ برآمد کر لیا۔
تفصیلات کے مطابق ڈی پی او جہلم طارق عزیز سندھو کی خصوصی ہدایت پر ایس ایچ او تھانہ دینہ اور ٹیم نے فوری کارروائی کرتے ہوئے ملزم کو حراست میں لے لیا۔ برآمد ہونے والا رکشہ اصل مالک کے حوالے کرنے کے لیے قانونی کارروائی مکمل کی جا رہی ہے۔
پولیس کے مطابق ملزم کے خلاف مقدمہ تھانہ دینہ میں درج کر لیا گیا ہے اور مزید تفتیش جاری ہے۔
