پنڈدادنخان: پولیس نے بروقت کارروائی کرتے ہوئے خاتون کی عفت میں خلل ڈالنے کے مقدمہ میں ملوث ملزم کو گرفتار کر لیا۔
ترجمان جہلم پولیس کے مطابق جہلم کی تحصیل پنڈدادنخان ایس ایچ او تھانہ پنڈ دادنخان نے اپنی ٹیم کے ہمراہ کارروائی کرتے ہوئے خاتون کی عفت میں خلل ڈالنے والے ملزم کو حراست میں لیا، جس کے خلاف تھانہ پنڈ دادنخان میں مقدمہ درج کر لیا گیا ہے۔
حکام کا کہنا ہے کہ ملزم کو ٹھوس شواہد کے ساتھ چالان عدالت کیا جائے گا اور اسے قرار واقعی سزا دلوانے کے لیے قانونی تقاضے مکمل کیے جائیں گے۔
ڈسٹرکٹ پولیس آفیسر جہلم شفیق احمد چوہدری نے کہا ہے کہ خواتین اور بچوں کے ساتھ زیادتی جیسے سنگین جرائم میں زیرو ٹالرنس پالیسی پر عملدرآمد جاری ہے اور ایسے عناصر کے خلاف بلا امتیاز کارروائیاں جاری رکھی جائیں گی۔
