محکمہ موسمیات نے سموگ سے ستائے عوام کو خوشخبری سناتے ہوئے ملک بھر میں موسلادھار بارشوں کی پیشگوئی کر دی۔
محکمہ موسمیات کے مطابق بیشتر علاقوں میں موسم خشک جبکہ پہاڑی علاقوں میں سرد رہنے کا امکان ہے تاہم گلگت بلتستان اور بالائی خیبرپختونخوا میں مطلع ابر آلود رہنے کے علاوہ شام اور رات میں چند مقامات پر بارش اور پہاڑوں پر برفباری کی توقع ہے۔
خیبر پختونخوا کے میدانی علاقوں اور پنجاب کے زیادہ تر علاقوں میں اسموگ چھائے رہنے جبکہ صبح اور رات کے اوقات میں شدید دُھند پڑنے کا امکان ہے۔
اسلام آباد اور گرد و نواح میں موسم خشک جبکہ سموگ اور صبح / رات کے اوقات میں دُھند چھائے رہنے کا امکان ہے۔ بلوچستان کے بیشتر اضلاع میں موسم خشک جبکہ پہاڑی علاقوں میں رات کے اوقات میں سرد رہنے کا امکان ہے۔
پنجاب کے بیشتر اضلاع میں موسم خشک رہنے کا امکان ہے تا ہم لاہور، قصور، اوکاڑہ، سیالکوٹ، حافظ آباد، ٹوبہ ٹیک سنگھ، جھنگ، نارووال، اٹک، جہلم، چکوال، منگلہ، گجرات، گوجرانوالہ، سرگودھا، شیخوپورہ، ساہیوال، فیصل آباد، بہاولپور، بہاولنگر، ملتان، لیہ، بھکر ،خانیوال، خانپور، رحیم یار خان، ڈی جی خان اور گرد و نواح میں سموگ چھائے رہنے جبکہ رات کے اوقات میں شدید دھند پڑنے کی توقع ہے۔
سندھ کے بیشتر اضلاع میں موسم خشک رہنے کا امکان ہے تاہم سکھر، لاڑکانہ، کشمور، خیر پور اور گر د و نواح میں صبح اور رات کے اوقات میں دُ ھند چھائے رہنے کا امکان ہے۔ کشمیر میں موسم سرد اور مطلع ابر آلود رہے گا۔ تاہم گلگت بلتستان میں مطلع ابرآلود رہنے کے علاوہ شام یا رات کے اوقات میں چند مقامات پر بارش اور پہاڑوں پر برفباری کی توقع ہے۔
محکمہ موسمیات کے مطابق پشاور، چارسدہ، نوشہرہ، مردان، صوابی، کوہاٹ، بنوں، لکی مروت، ڈی آئی خان میں صبح اور رات کے اوقات میں سموگ اور دھند پڑنے کی توقع ہے۔
