جہلم: نوید علی نے کہا کہ پاکستان تحریک انصاف ورکز گروپ عمران خان کے نظریات کی علمبردار ہے، عوام نے 8 فروری کو "غلامی نامنظور” کو ووٹ دے کر ریفرنڈم کیا، ظالم و بر بریت کی مثال قائم کی گئی۔ فارم 47 کی پیدوار حکومت زیادہ عرصہ نہیں چل سکتی۔
پاکستان تحریک انصاف ورکرز گروپ کے رہنما نوید علی نے اپنے خصوصی انٹرویو میں کہا کہ پارٹی میں انتشار پھیلانے کی ہر ممکن کوشش کی جا رہی ہے ،ورکرز گروپ عمران خان کے نظریات کے ساتھ کھڑے ہیں،پارٹی میں انتشار پیدا کرنے کیلئے جھوٹ پر مبنی پروپگنڈا کیا جا رہا ہے ، خوف کے بت توڑے بغیر عمران خان کی رہائی ممکن نہیں۔
انہوں نے کہا کہ ورکرز گروپ کی اولین ترجیح عمران خان کو جھوٹے مقدمات سے بری کروانا انکے لئے پْرامن احتجاج کرنا،ہمارا منشور پاکستان تحریک انصاف کا منشور ہے ہمارے ورکرز نے پارٹی قیادت کے تمام فیصلوں کو تسلیم کیا ہے لیکن اب چند لوگ ہماری صفوں میں دراڑیں ڈالنا چاہتے ہیں۔ ہمارا مقصد عہدے نہیں بلکہ لاقانونیت کو ختم کرکے انصاف کو یقینی بنانا اور بانی چیئرمین عمران خان پر جھوٹے اور بے بنیاد مقدمات کو ختم کروانا۔
نوید علی کا مزید کہنا تھا کہ بدقستمی سے چند لوگ ورکز میں انتشار پیدا کروانے کی کوشش کر رہے ہیں نظربانی ورکرز نے جس طرح 8 فروری کو گھر گھر جاکر غلامی نا منظور کا پیغام دیا جسکے نتیجے میں ملک بھر میں ہماری جماعت نے ووٹ لئے وہ قابل تعریف ہے 8 فروری سے پہلے اور آج تک جس طرح پاکستان تحریک انصاف پر ظلم و جبر کیا گیا اسکی مثال سیاسی تاریخ میں نہیں ملتی۔
انہوں نے واضح کیا کہ متحد ہوئے بغیر عمران خان کی رہائی ممکن نہیں ہمیں ہر روز قانون کی حکمرانی کے لئے پر امن احتجاج کرنا چاہئیے۔
