جہلم: نگہبا ن رمضان راشن کی تقسیم کیلئے طلباء رضا کار بھی میدان میں آگئے، رضاکار ضلعی انتظامیہ کے ساتھ مل کر تصدیقی عمل اور تقسیم میں حصہ لیں گے۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق کی ہدایت پر نگہبان رمضان راشن کی تقسیم کیلئے ضلعی انتظامیہ کے ساتھ مختلف کالجوں اور یونیورسٹی کے سٹوڈنٹس کو تقسیم کے عمل میں شامل کر لیا گیا جو بطور رضا کار ضلعی انتظامیہ کے افسران اور راشن تقسیم کرنے والی ٹیموں کے ساتھ مل کرنہ صرف مستحق خاندانوں کے تصدیقی عمل میں معاون ہوں گے بلکہ راشن کی تقسیم میں بھی حصہ لیں گے۔
اے سی ایچ آر اقرا ناصر نے پنجاب یونیورسٹی اور مختلف کالجوں کے طلباء و طالبات سے گفتگو کرتے ہوئے کہا کہ ڈی سی جہلم کی ہدایت پر اس مہم کا مقصد طلبا و طالبات کو عملی زندگی کے تجربات سے روشناس کروانا ہے۔ پروگرام کا مقصد نہ صرف بروقت رمضان راشن کی تقسیم بلکہ طلباء و طالبات کو عملی زندگی کے تجربے سے روشناس کروانا بھی ہے۔
