نو منتخب صدر ڈونلڈ ٹرمپ نے گرین لینڈ کو امریکا میں شامل کرنے کا عندیہ دیا تھا جس پر وہاں کے شہریوں سے ایک سروے میں رائے مانگی گئی۔
عالمی خبر رساں ادارے کے مطابق ڈونلڈ ٹرمپ نے ڈنمارک کے خودمختار علاقے گرین لینڈ پر طاقت کے استعمال کی دھمکی بھی دی تھی۔
اس حوالے سے گرین لینڈ کے شہریوں کی رائے جاننے کے لیے ایک سروے کیا گیا جس میں 85 فیصد شہریوں نے امریکا کے ساتھ شامل ہونے سے صاف انکار کردیا۔
صرف 6 فیصد رہائشیوں نے امریکا میں شامل ہونے کی حمایت کی جب کہ 9 فیصد نے کوئی بھی رائے دینے سے معذرت کرلی۔
اسی طرح سروے میں گرین لینڈ کے 45 فیصد رہائشیوں نے صدر ٹرمپ کی دلچسپی کو خطرہ سمجھتے ہیں جب کہ 43 فیصد اسے ایک موقع سمجھتے ہیں۔
