جہلم: چوٹالہ پولیس نے اہم کارروائی کرتے ہوئے ناجائز اسلحہ رکھنے والے دو ملزمان گرفتار کر لئے۔
تفصیلات کے مطابق ایس ایچ او چوٹالہ ظہیرالدین بابر اور ٹیم نے کارروائی کرتے ہوئے ملزمان محمد اسماعیل اور ارباب حسن کو گرفتار کر لیا۔ ملزم محمد اسماعیل سے رائفل 223 بور معہ روند اور بنڈوریل برآمد جبکہ ملزم ارباب حسن سے پسٹل 30 بور معہ روند برآمد کر لیا۔
تھانہ چوٹالہ پولیس نے دونوں ملزمان کے خلاف الگ الگ مقدمات درج کر لئے۔
ڈی پی او جہلم ناصر محمود باجوہ کا کہنا تھا کہ ناجائز اسلحہ رکھنےوالوں کے خلاف آپریشن جاری رہے گا۔
