دینہ: ڈسٹرکٹ پولیس آفیسر جہلم ناصر محمود باجوہ کی ہدایات کی روشنی میں منشیات فروش ملزمان کے خلاف بھر پور کریک ڈاؤن جاری،منشیات فروش ملزم کو گرفتار کر کے بھاری مقدار میں چرس برآمد کر لی گئی۔
تفصیلات کے مطابق جہلم کی تحصیل دینہ میں ایس ایچ او تھانہ منگلا کینٹ اور ٹیم نے کارروائی کرتے ہوئے منشیات فروش ملزم اللہ دتہ کو گرفتار کر لیا، ملزم سے 10کلو 240 گرام چرس برآمد کر لی گئی۔
تھانہ منگلا کینٹ پولیس نے ملزم کے خلاف انسداد منشیات ایکٹ کے تحت مقدمہ درج کر لیا۔
