جہلم شہر سمیت ضلع بھر میں موسم سرد ہوتے ہی خشک میوہ جات فروخت کرنے والوں کی چاندی ہوگئی ، چیک اینڈ و بیلنس نہ ہونے کی وجہ سے دکاندار من مانے نرخ وصول کرنے لگے، پرائس کنٹرول کمیٹیاں اس حوالے سے مکمل بے بسی کی تصویر بن گئیں۔
تفصیلات کے مطابق جہلم شہر سمیت ضلع بھر میں سردی کی شدت میں معمولی اضافہ ہوتے ہی خشک میوہ جات کی فروخت بڑھ گئی جس کی وجہ سے دکانداروں اور موبائل دکانداروں کی چاندی ہوگئی ہے، اس طرح سردی کافائدہ اٹھاتے ہوئے دکاندارمن مانے نرخ وصول کر رہے ہیں۔
خشک میوہ جات غریب عوام کی پہنچ سے تو ویسے ہی کوسوں میل دور ہے جبکہ انتظامیہ اس حوالے سے خاموش تماشائی کا کردار ادا کر رہی ہے، بار بار شکایات کے باوجود انتظامیہ کے کانوں پر جوں تک نہیں رینگتی۔
عوامی و سماجی حلقوں نے کمشنر راولپنڈی اور ڈپٹی کمشنر جہلم سے نوٹس لینے کا مطالبہ کیا ہے ۔
