جہلم: حلقہ این اے 60 جہلم ون سے امیدوار چوہدری زاہد اختر کا رانجھامیرا میں کامیاب جلسہ ،انتخابی مہم کا آغاز کردیا۔ ہزاروں افراد نے چوہدری زاہد اختر انتخابی نشان پیالہ، حلقہ پی پی 24سے سید عرفان امیرشاہ اور حلقہ پی پی 25کے امیدوارزبیر کیانی انتخابی نشان کرین کی بھرپور حمایت کااعلان کر دیا۔
تفصیلات کے مطابق پاکستان تحریک لبیک کے نامز دامیدوار برائے این اے 60چوہدری زاہد اختر نے اپنے پینل امیدواروں کے ساتھ اپنے علاقے رانجھا میرا سے انتخابی مہم کا آغاز کردیا۔ انتخابی جلسہ میں علاقہ کے ہزارو ں افرادسمیت تحریک لبیک پاکستان کے ذمہ دا ران اور کارکنان نے کثیر تعداد میں شرکت کی، ایک بہت بڑی ریلی جلسہ گاہ پہنچی ۔
جلسہ کا باقاعدہ آغاز تلاوت کلام الٰہی سے حافظ محمدراحیل نے کیا، بارگاہ رسالت ﷺ میں مظہر رضوی نے ہدیہ عقیدت پیش کیا۔
انتخابی جلسہ سے خطاب کرتے ہوئے چوہدری زاہد اختر نے کہاکہ 11سال کے بعد اپنے علاقے کے عوام کے پاس حاضر ہوا ہوں، اپنے علاقے سے الیکشن مہم کا آغاز کررہاہوں، علاقے کے عوام نے پہلے بھی میرا بھرپور ساتھ دیاتھا، انشاء اللہ آئندہ بھی میرا ساتھ دیں گے۔
انہوں نے کہا کہ میں اک عام آدمی کی سوچ کا ترجمان بن کر میدان عمل میں آیا ہوں اور تحریک کا پلیٹ فارم عام آدمی کا حقیقی ترجمان پلیٹ فارم ہے، ہم چاہتے ہیں موروثی سیاست کا خاتمہ ہو، عام آدمی خوشحال ہو، عام کے آدمی مسائل حل ہوں، ہمار امقصد کرسی تک رسائی نہیں، عام آدمی کے مسائل کو حل کرنا ہے۔
چوہدری زاہد اختر نے کہا کہ میر ی سیاست کا مقصد عوام کی خدمت ہے،8 فروری کو میرے انتخابی نشان پیالے، حلقہ پی پی 24سے پیرسید عرفان امیر شاہ بخاری اور حلقہ پی پی 25سے زبیر کیانی کو کرین پر مہرلگا کر کامیاب کریں۔
جلسہ سے سید عرفان امیر شاہ بخاری اور زبیر کیانی نے خطاب کرتے ہوئے کہاکہ 8فروری کو سرکار کے دین کو تخت پرلانے کے لئے تحریک لبیک پاکستان کے امیدوارو ں کوکامیاب کرائیں۔
عا صم اشفاق رضوی نے کہاکہ 8فروری کو میدان لگے گا، گد ھوں گھوڑوں اور ڈبوؤں کو لگ پتہ جائے گا، ہم جذبے بلند رکھ کر پوری جرات اور قوت سے میدان میں اتریں گے، 8فروری تاجدارختم نبوت کی صداؤں سے گونج اٹھے گا۔
انتخابی جلسہ سے خلیفہ مجا ز شعبان صدیقی نے خطاب کرتے ہوئے کہاکہ ہم سب نے مل کر چوہدری زاہد اختر اور تحریک لبیک کے نامزد امیدوار وں کو فتح سے ہمکنا رکرناہے۔ پورا علاقہ چوہدری زاہد اختر کے ساتھ بھرپور اظہاریکجہتی کرتے ہوئے ووٹ بھی ڈالے گا، بھرپور ساتھ دے گا۔
