سوہاوہ: پاک فوج سے اظہار یکجہتی اور شہداء کو خراج عقیدت پیش کرنے کے لیے اوکاڑہ سے جی ایچ کیو راولپنڈی تک پیدل مارچ کرنے والانوجوان سوہاوہ پہنچ گیا۔
تفصیلات کے مطابق اوکاڑہ کے نوجوان حافظ ارشاد نے پاک فوج سے اظہار یکجہتی کا منفرد انداز اپناتے ہوئے اوکاڑہ سے راولپنڈی تک کا پیدل مارچ کرتے ہوئے سوہاوہ پہنچ گیا جہاں اس کا شاندار استقبال کیا گیا۔
سوہاوہ کچہری کے قریب جی ٹی روڈ پر تحصیلدار، نائب تحصیلدار، پٹواریوں، شہریوں اور دیگر انتظامیہ کی بڑی تعداد پیدل مارچ کرنے والے نوجوان کے استقبال کے لیے موجود تھی۔ شہریوں کی طرف سے نوجوان کے سوہاوہ پہنچنے پر پاک فوج زندہ باد اور پاکستان پائندہ باد کے نعروں سے استقبال اور پھول نچھاور کیے۔
نوجوان کا کہنا ہے کہ ملک دشمن قوتیں پاک فوج کے خلاف سرگرم ہیں جس کی وجہ سے اس نے اپنی فوج سے اظہار یکجہتی کے لیے یہ انداز اپنایا ہے۔ حافظ ارشاد اگلے مرحلے میں سوہاوہ سے ہوتے ہوئے گوجرخان پہنچے گا۔
