جہلم: تھانہ چوٹالہ پولیس نے قتل کے مقدمے میں کٹیگری- اے کے اشتہاری مجرم کو گرفتار کر لیا۔
تفصیلات کے مطابق جہلم میں ایس ایچ او تھانہ چوٹالہ اور ان کی ٹیم نے جدید سائنسی طریقہ کار کو بروئے کار لاتے ہوئے ملزم کا سراغ لگایا اور کامیاب کارروائی کے دوران اسے گرفتار کر لیا۔ گرفتار ملزم کے قبضے سے 30 بور پسٹل بمعہ ایمونیشن بھی برآمد کر لیا گیا ہے۔
اشتہاری مجرم زوہیب اختر سال 2021 سے مقتول نعیم شبیر کے قتل کے مقدمے میں پولیس کو مطلوب تھا اور گرفتاری سے بچنے کے لیے روپوش ہو گیا تھا۔
پولیس کا کہنا ہے کہ اشتہاری مجرم کے خلاف ٹھوس شواہد کے ساتھ چالان مکمل کر کے اسے عدالت میں پیش کیا جائے گا اور اس کے خلاف قانونی کارروائی کو منطقی انجام تک پہنچایا جائے گا۔
