جہلم میں حساس ادارے کا جعلی افسر بن کر گھی کا ٹرک منگوانے اور سٹاک کو ہتھیانے والے ملزم کو گرفتار کر لیا گیا، پولیس نے مقدمہ درج کر لیا۔
جہلم اپڈیٹس کے مطابق جہلم میں ملزم حسن علی نے حساس ادارے کا جعلی افسر بن کر کالا گوجراں کے رہائشی ٹریڈرز شاپ کے مالک محمد اشفاق کو فون کال پر لاکھوں روپے مالیت کے گھی کا سٹاک آرڈر کیا۔
پولیس حکام نے بتایا کہ گاڑی کا ڈرائیور گھی کا ٹرک لایا تو ملزم نے ساتھی کی مدد سے گھی کے کاٹنوں کو دوسری گاڑی پر لوڈ کر کے فرار ہوگیا۔
تھانہ صدر پولیس نے ملزم حسن علی کو سائنٹیفک طریقے سے گرفتار کر کے تھانے منتقل کردیا، ملزم اس سے پہلے بھی حساس ادارے کا افسر بن کر شہریوں کو لوٹ چکا ہے۔
