دینہ: سیدہ رملہ علی نے کہا ہے کہ دیہاتی علاقوں میں طبی سہولیات کی فراہمی میں فلاحی اداروں کا بہت اہم کردار ہے جس سے نہ صرف حکومت پر بوجھ کم ہوتا ہے بلکہ عوام کو دہلیز پر بہترین طبی سہولیات بھی میسر آتی ہیں۔
ڈپٹی کمشنر جہلم سیدہ رملہ علی نے یہ بات تحصیل دینہ کے علاقہ چک عبد الخالق میں ہلال احمر کی فری ڈسپنسری کا دورہ کرتے ہوئے کہی۔ اس موقع پر ڈسپنسری کے نگران اور اہل علاقہ نے ڈپٹی کمشنر جہلم کو ڈسپنسری کی اہمیت و ضرورت اور وہاں دستیاب سہولتوں بارے آگاہ کیا اور کہا کہ ضلعی انتظامیہ کے تعاون سے اس سہولت کو مزید بہتر کیا جاسکتا ہے۔
ڈپٹی کمشنر جہلم سیدہ رملہ علی نے اس حوالے سے ضلعی انتظامیہ کی مکمل سرپرستی اور تعاون کی یقین دہانی کرائی۔
