جہلم شہر سمیت ضلع بھر میں بلا لائسنس میڈیکل سٹورز اور غیر قانونی لیبارٹریوں کی بھر مار، میڈیکل سٹوروں پر پریکٹس کے ساتھ ساتھ جنسی اور نشہ آور ادویات کی فروخت جاری، محکمہ صحت کے اربا ب اختیار نے خاموشی اختیار کر لی۔
تفصیلات کے مطابق شہر سمیت ضلع جہلم کی چاروںتحصیلوں میں غیر قانونی لیبارٹریوں اور میڈیکل سٹورز کی بھر مار ہو چکی ہے، میڈیکل سٹوروں اور عطائی ڈاکٹروں کی دکانوں پر دیدہ دلیری کے ساتھ عطائیت کا دھند عروج پر ہے، جس کی وجہ سے نوجوان نسل مختلف بیماریوں میں مبتلا ہورہی ہے۔
میڈیکل سٹوروں اور عطائی ڈاکٹروں کی دکانوں پر سر عام جنسی ادویات کی فروخت جاری ہے۔ جبکہ میڈیکل سٹور مالکان اور عطائی ڈاکٹر زاپنی جیبیں بھرنے میں مصروف ہیں، بیشتر میڈیکل سٹورز پر ادویات کے ساتھ عطائیوں کی پریکٹس بھی جاری ہے،نان کوالیفائیڈ عطائیوں نے سادہ لوح افراد کو دونوں ہاتھوں سے لوٹنا شروع کر رکھا ہے، نشہ آور جنسی ادویات اور انجکشن کی فروخت کی وجہ سے نوجوان نشے کی لعت میں دکھائی دیتے ہیں ۔
عوامی سماجی حلقوں اور سول سوسائٹی کے عمائدین نے نگران وزیر اعلی پنجاب، نگران صوبائی وزیر صحت سے نوٹس لینے اور ڈرگ انسپکٹرز کو بلا اجازت میڈیکل سٹورز اور عطائیوں کے کلینکس سیل کرنے کا مطالبہ کیا ہے۔
