پاکستان کی تعمیر و ترقی میں کرسچن کمیونٹی کا بہت بڑا ہاتھ ہے، ڈپٹی کمشنر جہلم

جہلم: پاکستان کی تعمیر و ترقی میں کرسچن کمیونٹی کا بہت بڑا ہاتھ ہے، ہر شعبہ زندگی میں کرسچن افراد کی خدمات ناقابل فراموش ہیں، کرسمس کے موقع پر ہم تمام کرسچن کمیونٹی کو مبارکباد پیش کرتے ہیں اور ہماری سب نیک خواہشات آپ کے ساتھ ہیں۔

یہ بات ڈپٹی کمشنر جہلم کیپٹن (ر) سمیع اللہ فاروق نے شیلوم چرچ میں کرسمس کے حوالے سے منعقدہ تقریب سے خطاب کرتے ہوئے کہی۔ انہوں نے کہا کہ کرسمس خوشیوں کا تہوار ہے اور اس تہوار پر پنجاب حکومت اور ضلعی انتظامیہ آپ کی سہولت کیلئے ہر قدم اٹھا رہی ہے۔

شیلوم چرچ میں حکومت پنجاب کی جانب سے کرسچن کمیونٹی کے مستحق افراد میں دس دس ہزار کے چیک تقسیم کرنے کی تقریب منعقد کی گئی، کرسمس کی خوشیوں میں کرسچن کمیونٹی کے 300سے زائد خاندانوں کو راشن، سکول بیگ، بچوں کے کپڑے، جوتے اور گفٹ پیک بھی ڈپٹی کمشنر نے تقسیم کئے۔

اس موقع پر چرچ انتظامیہ اور کرسچن کمیونٹی کے سرکردہ افراد نے ڈپٹی کمشنر اور پنجاب حکومت کیجانب سے کرسمس کے موقع پر تحائف دینے پر شکر یہ ادا کیا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button