ہائیر ایجوکیشن کمیشن نے ہونہار طالب علموں کے لیے ہنگری کے تعاون سے اسکالرشپ پروگرام 25-2024 کا اعلان کردیا ہے۔ اس کے لیے ٹیسٹ جنوری اور فروی میں 2024 میں ہوں گے۔
ہائیر ایجوکیشن کمیشن کے ذرائع کے مطابق یہ اسکالرشپ بیچلر، ماسٹر اور پی ایچ ڈی سٹڈیز میں اہل امیدواروں کو دی جائیں گی۔ ذرائع کے مطابق اس اسکالرشپ پروگرام کے لیے ٹمپس پبلک فاؤنڈیشن ہنگری کا تعاون حاصل ہوگا۔
اس پروگرام کو’دی سٹیپنڈیم ہنگریکم اسکالرشپ ‘ کا نام دیاگیاہے۔ اس اسکالرشپ کے لیے ایچ ای سی کے زیر اہتمام ٹیسٹ جنوری یا فروری 2024 میں کیاجائےگا۔
