جہلم: صدر تنظیم نوجوانان ملت ملک محفوظ نےمنیجنگ ڈائریکٹر ایس ایل ایس کالج سرفراز ملک کی تعلیمی و فلاحی خدمات کو سراہا۔ انہوں نے ایس ایل ایس کالج کا دورہ کیا اور علاقے میں درپیش مسائل پر بھی بات کی۔
اس موقع پر سرفراز ملک نے کہا کہ کچھ لوگ دوسروں کیلئے جیتے ہیں۔ اپنے ذاتی وقت سے لوگوں کی فلاح و بہبود کا کام صرف وہ ہی کرتے ہیں جو اللہ تعالیٰ کی طرف سے مختص ہوتے ہیں۔ ہمارا خاندان نسل در نسل بے لوث فلاحی کام کر رہے ہیں، فلاحی کام کرنے والے عظیم انسانوں میں سے ایک ملک محفوظ صاحب ہیں جو تنظیم نوجوانان ملت رجسٹرڈ کے صدر جو چیئرمین سنگھوئی راجہ احسن رضا اور دیگر دکھ انسانیت رکھنے والے دوستوں کیساتھ مل کر علاقہ کی فلاح و بہبود کیلئے بے لوث کوشاں رہتے ہیں۔
انہوں نے آج ملک دلبرخان کے ہمراہ ایس ایل کالج کے وزٹ کرنے کا شرف بخشا۔ راجہ احسن رضا جنہوں نے ایسے نفسا نفسی کے دور میں علاقہ میں اپنی کئی کنال ذاتی زمین کالج اور سکول کیلئے وقف کی جس دور میں بھائی بھائی زمینوں کے بٹوارے کیلئے لڑ رہے ہوتے ہیں اور ایک ایک انچ زمین کیلئے لڑائی ہوتی ہے۔
انہوں نے کہا کہ راجہ احسن رضا چند ماہ پہلے میرے آفس میں تشریف لائے اور اپنے بیٹے شیر علی کی امریکہ میں گریجویشن کی تقریب میں شمولیت کیلئے دلچسپی کا اظہار کیا تو میں نے ہنگامی بنیادوں پر ایک ماہ کے اندر ہی ان کا اور ان کی فیملی کا امریکہ کا ویزہ حاصل کرنے میں رہنمائی کی۔ آج کل وہ امریکہ میں ہی ہیں۔
سرفراز ملک نے کہا کہ گزشتہ روز ان کے بیٹے نے جہلم اور پاکستان کا نام امریکہ میں روشن کرتے ہوئے پاکستان کا پرچم بلند کیا۔ ایسی عظیم کامیابی پر ان کا خاندان اور اہل علاقہ مبارک کے مستحق ہیں۔ ملک محفوظ صاحب دیر تک علاقہ کی فلاح و بہبود کی ہی باتیں کرتے رہے۔ ایسے انسان قوم و ملک کا قیمتی اثاثہ ہوتے ہیں۔
