جہلم: جامعہ علوم أثریہ جہلم کی 41ویں سالانہ تقریب تکمیل صحیح بخاری شریف و سالانہ جلسہ تقسیم اسناد زیر صدارت رئیس الجامعہ حافظ عبدالحمید عامر 9نومبر بروز ہفتہ بعد از نماز عصر سوا تین بجے سے شروع ہو کر رات گئے تک جاری رہے گا۔
پروگرام کا آغاز نماز عصر کے فوراً بعد ہو جائے گا۔ نماز عصر کے بعد بخاری شریف کی آخری حدیث پر جامعہ کے شیخ الحدیث مولانا سیف اللہ عبدالرحیم اثری درس ارشاد کریں گے اس کے بعد شیخ الحدیث مولانا حافظ مسعود عالم کا بیان ہو گا۔
بعد از نماز عشاء سالانہ جلسہ تقسیم اسناد سے قاری خلیل الرحمن جاوید آف کراچی، علامہ معتصم الٰہی ظہیر،مولانایوسف پسروری،مولانا نواز چیمہ اور مولانا سیدطیب الرحمٰن زیدی خطاب کریں گے۔
اس موقع پر جامعہ کے فارغ التحصیل طلباء کو اسناد بھی دی جائیں گی اور نمایاں پوزیشن حاصل کرنے والے طلباء میں انعامات تقسیم کیے جائیں گے۔
