جہلم میں 32 سالہ نوجوان سیمنٹ والے ٹریلر کے نیچے آ کر جاں بحق

جہلم میں 32 سالہ نوجوان سیمنٹ والے ٹریلر کے نیچے آ کر جاں بحق ہو گیا، لاش کو ہسپتال منتقل کر دیا گیا۔

تفصیلات کے مطابق یہ افسوسناک حادثہ جہلم کے علاقے ڈھوک جمعہ اثریہ روڈ پر پیش آیا، جہاں 32 سالہ فیصل سیمنٹ سے بھرے ٹریلر کے نیچے آ کر موقع پر ہی جان کی بازی ہار گیا۔

ریسکیو ذرائع کے مطابق جاں بحق ہونے والے شخص کی شناخت فیصل ولد لیاقت کے نام سے ہوئی ہے، جو جہلم کے علاقے مدینہ ٹاؤن کا رہائشی تھا۔ حادثے کی اطلاع ملتے ہی ریسکیو ٹیم موقع پر پہنچ گئی اور جاں بحق ہونے والے شخص کی لاش کو ڈسٹرکٹ ہیڈ کوارٹر ہسپتال جہلم منتقل کر دیا گیا۔

عینی شاہدین کے مطابق 32 سالہ فیصل اچانک سڑک پر چلتے سیمنٹ سے بھرے ٹرالر کے سامنے آ کر لیٹ گیا، جس کے نتیجے میں ٹرالر اس کے اوپر سے گزر گیا اور وہ موقع پر ہی دم توڑ گیا۔

واقعے کے بعد علاقے میں افسوس اور دکھ کی فضا چھا گئی جبکہ پولیس نے بھی موقع پر پہنچ کر ضروری کارروائی شروع کر دی ہے۔