بارسلونا: شیخ سلسلہ نقشبندیہ اویسیہ امیر عبدالقدیر اعوان نے پاکستان ہاؤس بارسلونا، سپین میں پاکستانی ہائی کمشنر مراد علی وزیر سے ملاقات کی۔
ملاقات میں باہمی دلچسپی کے مختلف امور پر تبادلہ خیال کیا گیا۔ اس موقع پر امیر عبدالقدیر اعوان نے سپین میں مقیم پاکستانی کمیونٹی کی فلاح و بہبود اور قومی تشخص کے فروغ کے لیے ہائی کمشنر مراد علی وزیر کی کوششوں کو سراہا۔
انہوں نے کہا کہ بیرونِ ملک مقیم پاکستانی کمیونٹی کے مسائل کے حل کے لیے ایسے سفارتی کردار کی اشد ضرورت ہے جو خلوص اور جذبے سے سرشار ہو، اور مراد علی وزیر ان صفات کے بہترین عکاس ہیں۔
ملاقات کے اختتام پر شیخ سلسلہ نے ملک و ملت کی ترقی، امت مسلمہ کے اتحاد اور اوورسیز پاکستانیوں کی فلاح کے لیے خصوصی دعا بھی فرمائی۔
