جہلم میں مہنگائی کا جن بے قابو، مجموعی اجناس کی پیداوار میں کمی

جہلم شہر سمیت ضلع بھر میں مہنگائی کا جن بے قابو، مجموعی اجناس کی پیداوار میں کمی، پٹرولیم مصنوعات کی قیمتوں میں کمی نہ کی گئی اور سردی کی شدت میں اضافے کے ساتھ ہی گیس بجلی کی لوڈشیڈنگ نے ہر ایک کو پریشان کر کے رکھ دیا، پھل فروٹ اور سبزیاں مہنگی ہونے سے عوام کی پہنچ سے دور ہوچکی ہیں۔

شہریوں کا اس حوالے سے کہنا ہے کہ جہاں ہوشربا مہنگائی نے لوگوں کی قوت خرید کم اور اخراجات بڑھا دیئے ہیں وہاں فی کس آمدن کے ذرائع بھی کم اور محدود ہوکر رہ گئے ہیں۔

شہریوں نے کہا کہ عام انتخابات کے موقع پر سیاسی پارٹیوں کے جلسے جلوسوں کا آغاز ہونے جا رہا ہے۔ سمجھ نہیں آرہی کہ کونسی سیاسی جماعت اپنے منشور میں مہنگائی کو ختم کرنے کی نوید سنائے گی۔ پچھلی کئی دہائیوں سے مہنگائی میں مسلسل اضافہ ہوتا جارہاہے جس کی وجہ سے غریب سفید پوش طبقہ مہنگائی کی چکی میں پس کر رہ گیا ہے۔

شہریوں نے حکمرانوں سے مطالبہ کیاہے کہ اشیاء خوردونوش کی قیمتوں کو کم کرنے کے بارے عملی اقدمات کئے جائیں تاکہ غریب افراد اپنے بچوں کو 2 وقت کی روٹی مہیا کر سکیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button