جرمنی کے سیریل ریکارڈ ساز نے ایک لیٹر لیموں کا رس اور ایک لیٹر لائم کا رس پی کر اپنے دو ریکارڈ دوبارہ حاصل کر لیے۔
30 سالہ آندرے اورٹولف نے کم وقت میں اسٹرا کی مدد سے ایک لیٹر لائم جوس اور لیموں کا رس پی کر وہ ریکارڈ واپس لے لیا، جو رواں برس امریکی سیریل ریکارڈ ساز ڈیوڈ رش نے اپنے نام کیا تھا۔
آندرے نے لیموں کے رس کا پہلی بار یہ ریکارڈ 16 سیکنڈ جبکہ لائم جوس کو 16 اعشاریہ 82 سیکنڈ میں پی کر بنایا۔ ڈیوڈ رش نے بالترتیب 13 اعشاریہ 53 سیکنڈ اور 13 اعشاریہ 99 سیکنڈ میں رس پی کر ریکارڈ اپنے نام کیا۔
آندرے نے تازہ ترین کوشش میں بالترتیب 13.3 سیکنڈ اور 13.51 سیکنڈ میں رس پی کر ریکارڈ دوبارہ اپنے کر لیا۔
