دینہ: منشیات فروشی کیس میں جرم ثابت ہونے پر عدالت نے مجرم محمد قدیر کو 9 سال قید اور ایک لاکھ روپے جرمانہ کی سزا سنادی۔
تفصیلات کے مطابق منشیات کے مقدمہ نمبر 385/24 بجرم CNSA 9(1) 3c تھانہ منگلا کینٹ کا فیصلہ سناتے ہوئے عدالت نے قرار دیا کہ مجرم نے منشیات فروشی کے جرم کا ارتکاب کیا۔
پولیس ذرائع کے مطابق مجرم کو سال 2024 میں گرفتار کیا گیا تھا، جسے جہلم پولیس نے جدید سائنٹفک طریقہ کار کے ذریعے ٹریس کرکے حراست میں لیا اور ٹھوس شواہد کے ساتھ چالان عدالت کیا۔ مقدمے کی موثر پیروی کے نتیجے میں عدالت نے مجرم کو قرار واقعی سزا سنائی۔
ڈی پی او جہلم نے کہا کہ منشیات فروش معاشرے کا ناسور ہیں جن کے خاتمے کے لیے آپریشن مزید تیز کیا جائے گا۔ انہوں نے کیس میں بہترین کارکردگی دکھانے پر پولیس کی انویسٹی گیشن اور لیگل ٹیم کو شاباش، تعریفی سرٹیفکیٹ اور نقد انعام دینے کا اعلان بھی کیا۔
