متحدہ عرب امارات میں سونے کی قیمت ایک ماہ کی کم ترین سطح پر آ گئی۔ گزشتہ روز سونے کے 10 گرام کی قیمتوں میں 10 درہم کمی ہوئی، ایک ہفتے کے دوران 10 گرام سونے کی قیمت میں 65 درہم کی کمی ریکارڈ کی گئی۔
رپورٹ کے مطابق دبئی گولڈ مارکیٹ میں 24 قیراط سونے کی فی گرام قیمت میں مزید ایک درہم کمی ہو گئی، جس کے بعد نرخ 234 اعشاریہ 75 درہم پر آ گئے، جبکہ 10 گرام سونے کی قیمت 10 درہم کم ہو کر 2 ہزار 347.50 درہم ہو گئی ہے۔
رپورٹ کے مطابق دبئی میں 22 قیراط سونے کی فی گرام قیمت 0.75 درہم کم ہو کر 217 اعشاریہ 50 درہم جبکہ 22 قیراط سونے کے 10 گرام کی قیمت 7 اعشاریہ 5 درہم کم ہونے کے بعد 2 ہزار 175 درہم ہو گئی ہے۔
