جہلم: گورنر پنجاب سردار سلیم حیدر اور سابق چیئرمین بلدیہ جہلم راجہ اختر کے درمیان راولپنڈی میں ایک خوشگوار ماحول میں اہم ملاقات ہوئی۔
ذرائع کے مطابق ملاقات میں باہمی دلچسپی کے امور، مقامی سیاسی صورتحال اور عوامی فلاح و بہبود کے منصوبوں پر تفصیلی تبادلۂ خیال کیا گیا۔
گورنر پنجاب سردار سلیم حیدر نے اس موقع پر ضلع جہلم کے سیاسی رہنماؤں کے کردار کو سراہتے ہوئے کہا کہ مرحوم راجہ محمد افضل خان عوامی خدمت کے علمبردار تھے، حقیقی سیاست ہمیشہ عوام کے مسائل کے حل کے گرد گھومتی ہے۔
سابق چیئرمین بلدیہ راجہ اختر نے ضلع جہلم کے عوامی مسائل اور بلدیاتی اداروں کے کردار پر تفصیلی گفتگو کرتے ہوئے کہا کہ جہلم کے عوام کو گورنر پنجاب سے ترقی اور عوامی ریلیف کے منصوبوں کی بڑی امیدیں وابستہ ہیں۔
ملاقات کے دوران دونوں رہنماؤں نے اس عزم کا اظہار کیا کہ سیاست کو عوامی خدمت، اتحاد اور تعمیر و ترقی کے جذبے کے ساتھ آگے بڑھایا جائے گا۔
گورنر پنجاب سردار سلیم حیدر نے کہا کہ حکومت مقامی نمائندوں کے تعاون سے عوامی فلاح کے منصوبوں پر تیزی سے کام کر رہی ہے تاکہ عام شہری کو بنیادی سہولیات میسر آئیں۔
ملاقات کے اختتام پر راجہ اختر نے گورنر پنجاب کو نیک تمناؤں اور مکمل تعاون کی یقین دہانی کرائی۔
