حکومت کی جانب سے قومی بچت کے سرٹیفکیٹس اور اسکیموں پر منافع کی شرحوں پر نظر ثانی کی گئی ہے۔
ٹاپ لائن سکیورٹیز کے مطابق حکومت نے اسپیشل سیونگ سرٹیفکیٹ (SSC)، ریگولر انکم سرٹیفکیٹ (RIC)، پنشنرز بینیفٹ اکاؤنٹ (PBA)، بہبود سیونگ سرٹیفکیٹ (BSC) اور شہداء فیملی ویلفیئر اکاؤنٹ (SFWA) پر منافع کی شرح میں اضافہ کیا ہے۔
دریں اثنا، شارٹ ٹرم سیونگ سرٹیفکیٹس (STSC) پر منافع کی شرح میں 76 بیسس پوائنٹس کی کمی ہوئی ہے۔
تاہم، ڈیفنس سیونگ سرٹیفکیٹ (DSC)، سیونگ اکاؤنٹ (SA)، سروہ اسلامک ٹرم اکاؤنٹ (SITA) اور سروہ اسلامک سیونگ اکاؤنٹ (SISA) پر منافع کی شرحیں کوئی تبدیلی نہیں کی گئی ہیں۔
اسپیشل سیونگ سرٹیفکیٹ پر منافع کی شرح 20 بیسس بوائنٹس اجافے کے ساتھ 15 اعشاریہ 8 فیصد ہو گئی ہے، سیونگ اکاؤنٹ پر منافع کی شرح 20 اعشاریہ 5 فیصد رکھی گئی ہے جبکہ شارٹ ٹرم سیونگ سرٹیفکیٹس پر منافع کی شرح 76 بیسس پوائنٹس کم ہو کر 19 فیصد ہو گئی ہے۔
بی ایس سی، پی بی اے اور ایس ایف ڈبلیو اے پر منافع کی شرح 24 بیسس پوائنٹس اضافے کے ساتھ 15 اعشاریہ 6 فیصد ہوگئی۔
اسی طرح ڈیفنس سیونگ سرٹیفکیٹ ، سرو اسلامک ٹرم اکاؤنٹ اور اسلامک سیونگ اکاؤنٹ پر منافع کی شرحوں کو بالترتیب 14 اعشاریہ 4 فیصد، 18 اعشاریہ 54 فیصد اور 20 اعشاریہ 5 فیصد پر برقرار رکھا گیا ہے اور ان میں کوئی تبدیلی نہیں کی گئی ہے۔
