دینہ میں قتل کی لرزہ خیز واردات، نامعلوم افراد رات کی تاریکی میں گھر کے اندر داخل ہو کر 42سالہ شخص کو بڑی بے دردی کے ساتھ چھریوں سے وار کر کے قتل کر دیا، ملزمان موقع سے فرار ہو گئے۔
تفصیلات کے مطابق دینہ میں محلہ چوہان سٹریٹ منگلا روڈ پر رات کی تاریکی میں نامعلوم افراد گھر میں داخل ہو کر سوئے ہوئے گھر کے سربراہ محمد مبشر ولد محمد افضال عمر 42سال کو بڑی بے دردی کے ساتھ چھریوں سے وار کر کے قتل کر دیا اور موقع سے فرار ہونے میں کامیاب ہو گئے جبکہ گھر کے دیگر اہل خانہ دوسرے کمرے میں سوئے ہوئے تھے۔
واقعہ کی اطلاع ملتے ہی ایس ایچ او تھانہ دینہ بھاری نفری کے ہمراہ موقع پر پہنچ گئے اور لاش کو قبضہ میں لے کر پوسٹمارٹم کے لیے ڈسٹرکٹ ہیڈ کواٹر ہسپتال جہلم بھجوا دیا اور مقتول کے بھائی کی درخواست پر نامعلوم افراد کے خلاف مقدمہ درج کر لیا ۔
