جہلم پریس کلب کے اختتامی اجلاس میں عبوری سیپ اپ تشکیل دے کر سینئر صحافی و کالم نگار امجد بٹ کو صدر مقرر کر لیا گیا۔
تفصیلات کے مطابق جہلم پریس کلب کا اختتامی اجلاس سینئر نائب صدر وسیم قریشی اور جنرل سیکرٹری مستفیض اقبال بخاری کی زیرصدارت منعقد ہوا۔
جہلم پریس کلب کے صدر شہبازبٹ کے مستعفی ہونے کے بعد یہ پہلا اجلاس تھا جس میں مختلف امورزیربحث آئے تمام ممبران نے اپنی رائے دی.
فل ہاؤس اجلاس میں نیا عبوری سیٹ اپ تشکیل دیا گیا، فل ہاؤس اجلاس میں محمد الیاس مہر کو چیئرمین، محمد امجد بٹ کو صدر، ظفر نور کو سینئر نائب صدر، سید اکرم شاہ کو نائب صدر، مرزا قدیر بیگ کو جنرل سیکرٹری، چوہدری مہربان کو جوائنٹ سیکرٹری، ڈاکٹر اعجاز اعوان کو فنانس سیکرٹری اور رانا نوید الحسن کو سیکرٹری اطلاعات مقرر کیا گیا۔
عبوری سیٹ اپ جہلم پریس کلب کے نئے سرے سے آئین کی تشکیل نو اور پریس کلب کے تنظیمی معاملات سمیت نئے ممبران کی ووٹر لسٹ مکمل کر کے 60 دنوں میں الیکشن کروائیں گے جسے فل ہاؤس اجلاس میں کثرت سے منظور کر لیا گیا۔
اس موقع پرسینئرممبرچوہدری سہیل عزیز نے اظہارخیال کرتے ہوئے کہا کہ جونیئردوستوں کوعزت دی جائے اور الیکشن کے عمل کویقینی بنایاجائے تاکہ جہلم پریس کلب کی رونقوں میں اضافہ ہو.
