سوہاوہ:جہلم، دینہ اور سوہاوہ سے بجلی کے کھمبے چوری کرنے والے بین الصوبائی چور گینگ کا سربراہ گرفتار کر لیا گیا۔
تفصیلات کے مطابق محمدبن اشرف ایس ایس پی پٹرولنگ پولیس ریجن راولپنڈی کی زیرنگرانی عبدالقدوس انچارج پٹرولنگ پولیس شاہ دی لس نے ٹیم کے ہمراہ اہم کارروائی کرتے ہوئے بین الصوبائی چور گینگ کےسربراہ کو گرفتار کرلیا۔
بین الصوبائی چورگینگ کا سربرارہ ساتھیوں کے ہمراہ سوہاوہ، دینہ، گوجرخان اور جہلم کے دیگر علاقوں سے واپڈا کے بھاری بجلی کے پول چوری کرکے خیبرپختونخواہ میں فروخت کرتے تھے۔
گزشتہ روز بھی انہوں نے بجلی کے پول چوری کئے جس پر فوری انچارچ پٹرولنگ پولیس شاہ دی لس نے کارروائی عمل میں لاتے ہوئے سی سی ٹی وی فوٹیج کی مدد سے ملزمان تک پہنچے اور ملزم کوبھی گرفتار کرلیاجبکہ بجلی کے پول، گاڑی کرین بھی قبضہ میں لے لیا۔
آئیسکوجہلم اور گوجرخان کے افسران نے شاہ دی لس پٹرولنگ چیک پوسٹ کے افسران اور ملازمین کو خراج تحسین پیش کیا۔ ملزم کیخلاف قانونی کارروائی عمل میں لادی گئی، مزید تفتیش جاری ہے۔
