سعودی عرب اور متحدہ عرب امارات میں رمضان المبارک کا چاند نظر آ گیا۔
سعودی سپریم کورٹ نے کہاہے کہ سعودی عرب میں رمضان المبارک کا چاند نظر آگیا ہے کل بروز سوموار 11 مارچ کو پہلا روزہ ہوگا، جبکہ یو اے ای میں بھی کل پہلا روزہ ہوگا۔
عرب میڈیا کے مطابق انڈونیشیا، ملائیشیا میں رمضان المبارک کا آغاز 12مارچ سے ہوگا، اس کے علاوہ برونائی دارالسلام، سنگاپور، فلپائن اور آسٹریلیا، میں بھی پہلا روزہ 12 مارچ بروز منگل کو ہو گا ۔ جبکہ آسٹریلوی فیڈرل فتویٰ کونسل نے اعلان کیا ہے کہ آسٹریلیا میں 12 مارچ بروز منگل کو پہلا روزہ ہوگا۔
قبل ازیں ماہرین فلیکیات نے آج سعودی عرب میں رمضان المبارک کا چاند نظر آنے کے قوی امکانات ظاہر کیے تھے۔ماہرین فلیکیات کا کہنا تھا کہ مدینہ منورہ اور تبوک میں 13 منٹ تک چاند افق پر موجود رہے گا۔ سعودی عرب کی سپریم کورٹ نے رمضان المبارک کا چاند اتوار کی شام دیکھنے کی اپیل کی گئی تھی۔
سعودی عرب کے شعبہ فلکیاتی علوم کے سربراہ شرف السفیانی نے بھی سعودی عرب میں چاند نظر آنے قوی امکانات ظاہر کیے تھے، سعودی حکومت نے بھی عوام سے دس مارچ کو مغرب کے وقت رمضان کا چاند تلاش کرنے اور سعودی سپریم کورٹ میں گواہی درج کرانے کی اپیل کی تھی۔
دوسری جانب پاکستان میں رمضا ن المبارک کا چاند دیکھنے کیلئے اجلاس کل پشاور میں ہو گا ، محکمہ موسمیات کے مطابق پاکستان میں کل چاند نظرآنے کا قوی امکان ہے۔
