جہلم: وزیراعلیٰ پنجاب مریم نواز نے ”صاف ستھرا پنجاب“ پروگرام کے سلسلے میں جہلم سمیت چار شہروں میں ماڈل پائلٹ پراجیکٹ شروع کرنے کی منظوری دیدی۔
”صاف ستھرا پنجاب ”پائلٹ پراجیکٹ میں پنجاب کے شہروں جہلم،جھنگ،وہاڑی اوربہاولنگر کوصفائی کے لحاظ سے ماڈل شہر بنایا جائے گا، شہروں میں صفائی کیلئے منظم،موثر اورپائیدار میکانزم نافذ کیا جائے گا۔
وزیراعلیٰ مریم نوازشریف کی زیر صدارت اجلاس میں صفائی مہم کو موثر اورتیز کرنے کی ضرورت پر زور دیا گیا۔ وزیراعلیٰ مریم نوازشریف نے سالڈ ویسٹ مینجمنٹ کا پائیدار ماڈل تیار کرنے کا حکم دیدیا۔
وزیراعلیٰ مریم نواز نے دیہی علاقوں میں صفائی مہم کا پائیدارنظام بنانے کی ہدایت بھی جاری کردی۔
سینئرصوبائی وزیر مریم اورنگزیب،صوبائی مشیر پرویز رشید،وزیراطلاعات عظمیٰ زاہد بخاری، صوبائی وزیر لوکل گورنمنٹ ذیشان رفیق، ایم پی اے ثانیہ عاشق، چیف سیکرٹری، سیکرٹری لوکل گورنمنٹ،کمشنر لاہور،ڈپٹی کمشنر لاہور، ڈی جی لوکل گورنمنٹ،ڈی جی پی ایچ اے، سی ای او ایل ڈبلیو ایم سی اوردیگرحکام نے شرکت کی۔
بہاولپور ویسٹ مینجمنٹ کمپنی کے سی ای او ویڈیو لنک کے ذریعے شریک ہوئے۔
