مسجد الحرام کے صحن کو گرمیوں میں ٹھنڈا رکھنے کا راز متعلقہ انتظامی ادارے نے بیان کردیا ہے۔ جنرل اتھارٹی برائے امور حرمین شریفین نے بتایا ہے کہ مسجدالحرام کے فرش میں نصب سنگِ مرمر کی تین بنیادی خصوصیات ہیں۔
ادارے کا کہنا ہے کہ یہ سنگِ مرمر یونان کے جزیرے تاسوس سے منگوایا گیا ہے۔ یہ روشنی اور حرارت دونوں کو منعکس کرتا ہے۔ مسجدالحرام میں لگائے گئے سنگِ مرمر کی موٹائی پانچ سینٹی میٹر تک ہے۔
الحرامین افیئرز نے بتایا ہے کہ جب درجہ حرارت پچاس سینٹی گریڈ تک پہنچ جاتا ہے تب بھی یہ پتھر ٹھنڈا رہتا ہے۔ رات کے وقت اس کے چھوٹے چھوٹے سوراخ نمی جذب کرتے ہیں اور دن میں خارج کرکے سطح ٹھنڈی رکھتے ہیں۔
