جہلم شہر اورگردو نواح میں شہری سموگ کی وجہ سے سانس اور گلے کی بیماریوں میں مبتلا ہونے لگے، شہریوں نے آلودگی کاسبب بننے والے بھٹہ خشت بھٹیوں کریش پلانٹس کی فوری بندش کامطالبہ کردیا۔
تفصیلات کے مطابق جہلم شہر اور گردونواح علاقہ میں شام کے وقت موسم سرد ہوتےہی فضا میں آلودگی زیادہ بڑھ جاتی ہے، سموگ کی وجہ سے علاقہ میں شہری سانس اور گلے کی بیماریوں میں مبتلا ہو رہے ہیں اور سانس کے مریضوں کو شدید دقت کا سامنا کرنا پڑ رہا ہے۔
علاقہ مکینوں نے حکومت سے فضائی آلودگی کا باعث بننے والے صنعتی یونٹس بندکرنے تدارک کرنے کامطالبہ کیا ہے تاکہ شہری بیماریوں سے محفوظ رہ سکیں۔
