پنڈدادنخان: دیار غیر میں روزی کی تلاش میں جانے والے پنڈدادنخان کے رہائشی محمد طاہر بلوچ سعودی عرب میں بجلی کا کرنٹ لگنے سے جاں بحق ہو گیا۔
تفصیلات کے مطابق سعودی عرب میں روزگار کے سلسلہ میں مقیم جہلم کی تحصیل پنڈدادنخان کا رہائشی محمد ایوب بلوچ کے بیٹا، محمد ارشد بلوچ کا بھانجا اور امام و خطیب جامع مسجد علی المرتضیٰ علامہ مولانا حافظ محمد زبیر کا بھائی محمد طاہر بلوچ بجلی کا کرنٹ لگنے سے جان کی بازی ہار گیا۔
مرحوم طاہر بلوچ کی نماز جنازہ آج نئے قبرستان محلہ پرانی تحصیل پنڈدادنخان میں ادا کر دی گئی۔
