پنڈدادنخان: تھانہ للِہ پولیس نے کامیاب کاروائی کرتے ہوئے ایک منشیات فروش کو حراست میں لے لیا۔
تفصیلات کے مطابق جہلم کی تحصیل پنڈدادنخان میں ایس ایچ او تھانہ للِہ اور ان کی ٹیم نے اہم کارروائی کرتے ہوئے منشیات فروش ملزم ارسلان کو گرفتار کر لیا۔ ملزم کے قبضے سے 550 گرام چرس برآمد ہوئی۔
پولیس کا کہنا ہے کہ ملزم کے خلاف انسداد منشیات ایکٹ کے تحت مقدمہ درج کر لیا گیا ہے اور اسے ٹھوس شواہد کے ساتھ عدالت میں پیش کیا جائے گا تاکہ قانون کے مطابق سخت سزا دلوائی جا سکے۔
ڈسٹرکٹ پولیس آفیسر جہلم ناصر محمود باجوہ نے کہا ہے کہ منشیات فروش معاشرے کے ناسور ہیں اور ان کے خاتمے کے لیے پولیس کی جانب سے بھرپور کریک ڈاؤن جاری ہے۔
انہوں نے پولیس ٹیم کی کارکردگی کو سراہتے ہوئے کہا کہ جرائم کے خاتمے کے لیے ایسی کارروائیاں جاری رکھی جائیں گی۔
