جہلم پولیس کی اہم کارروائی، ڈکیتی کے مقدمے میں مطلوب اشتہاری مجرم کو گرفتار کر لیا۔
تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ کالا گجراں اور ٹیم نے کارروائی کرتے ہوئے سال 2024 کے ڈکیتی مقدمے میں مطلوب اشتہاری مجرم کو گرفتار کر لیا۔ پولیس نے ملزم کے قبضے سے 20 ہزار روپے نقدی برآمد کر لی۔
مجرم گرفتاری سے بچنے کے لیے طویل عرصے سے روپوش تھا، جسے پولیس نے جدید سائنٹفک طریقہ کار استعمال کرتے ہوئے ٹریس کر کے گرفتار کیا۔
ڈسٹرکٹ پولیس آفیسر جہلم طارق عزیز سندھو کا کہنا ہے کہ اشتہاری مجرمان کے خلاف بھرپور کریک ڈاؤن جاری ہے اور قانون سے فرار کسی صورت برداشت نہیں کیا جائے گا۔
