حکومت نے ہائی ویز اور موٹر ویز پر سفر کرنے والوں کو نئے سال کا تحفہ دے دیا۔
ذرائع کے مطابق سال نو کے موقع پر نیشنل ہائی وے اتھارٹی کی جانب سے ٹول ٹیکس میں اضافہ کر دیا گیا۔
ذرائع نے بتایا کہ پانچ جنوری 2025 سے نئے نرخ کے حساب سے ٹول ٹیکس وصول کیا جائے گا۔
نوٹیفیکیشن کے مطابق قومی شاہراوں پر موٹر کار سے 60 روپے، ویگن سے 100 روپے اور بس سے 200 روپے ٹول ٹیکس وصول کیا جائے گا۔
ذرائع نے بتایا کہ 2 اور 3 ایکسل ٹرک سے 250 روپے اور بڑے ٹرکوں سے 500 روپے ٹول ٹیکس وصول کیا جائے گا، ایم 1، ایم 3، ایم 4، ایم 5، ایم 14 اور ای 35 پر ٹول ٹیکس میں بھاری اضافہ کردیا گیا۔
اسلام آباد سے پشاور جانے والی ایم ون موٹروے پر کار کا ٹول ٹیکس 460 سے بڑھا 500 روپے کر دیا گیا۔
لاہور سے عبدالحکیم جانے والی ایم تھری پر کار کیلئے ٹول ٹیکس 650 روپے سے بڑھا کر 700 روپے کر دیا گیا۔
پنڈی بھٹیاں سے فیصل آباد اور ملتان جانے والی ایم فور پر کار کیلئے ٹول ٹیکس 850 روپے سے بڑھا کر 950 روپے کر دیا گیاجبکہ ملتان سے سکھر جانے والی ایم فائیو پر کار کا ٹول ٹیکس ایک ہزار 50 روپے سے بڑھا کر1100 روپے کر دیا۔
ذرائع نے مزید بتایا کہ گیاڈی جی خان تا ہکلہ موٹروے ایم چودہ پر ٹول ٹیکس 600 روپے ہوگیا حسن ابدال حویلیاں مانسہرہ ای 35 ٹول ٹیکس 250 روپے ادا کرنا ہوگاایم 1، ایم 3، ایم 4 ، ایم 5، ایم 14 اور ای35 پر بڑی گاڑیوں کیلئے ٹول ٹیکس 5550 روپے کردیا گیا۔
