جہلم چیمبر آف کامرس اینڈ انڈسٹری کی ایگزیکٹو باڈی کا ماہانہ اجلاس حاجی زاہد حسین بٹ کی زیرِ صدارت نئیر افتخار قریشی ہال میں منعقد ہوا، جس میں عہدیداران اور اراکین کی کثیر تعداد نے شرکت کی۔ اجلاس میں مختلف امور زیر بحث آئے اور اہم فیصلے کیے گئے۔
اجلاس کا آغاز تلاوتِ کلام پاک سے کیا گیا، جس کا شرف حمزہ خلیل کو حاصل ہوا۔ بعدازاں حمزہ خلیل نے دسمبر 2024 اور جنوری 2025 کی مالیاتی رپورٹ پیش کی، جس پر شرکاء نے اطمینان کا اظہار کیا۔
اجلاس میں سینئر نائب صدر سیف ریاض، نائب صدر شیخ سعید زمان ساہنی اور ایگزیکٹو ممبران چوہدری سہیل عزیز، راجہ فرخ توقیر، شیخ عادل احسان، محمد سلیم، مامون مصطفیٰ بٹ، غلام مصطفیٰ بٹ، محمد اکرام، محمد ندیم خان، محمد ضیغم عرفان، ذیشان ندیم جرال، الحاج عزیز احمد چوہدری اور راجہ شہزاد احمد نے شرکت کی۔
اجلاس میں جہلم چیمبر آف کامرس اینڈ انڈسٹری کی عمارت کی تعمیر اور ممبرشپ کے حوالے سے تفصیلی بات چیت ہوئی۔ اس دوران دیگر اہم مسائل بھی زیر بحث آئے، جن کے حل کے لیے اتفاقِ رائے سے مختلف تجاویز پیش کی گئیں اور ان پر عملدرآمد کی یقین دہانی کرائی گئی۔
حاجی زاہد حسین بٹ نے اجلاس سے خطاب کرتے ہوئے کہا کہ جلد ہی جہلم چیمبر آف کامرس اینڈ انڈسٹری کی عمارت کی تعمیر کا کام شروع کر دیا جائے گا تاکہ کاروباری برادری کو مزید بہتر سہولیات فراہم کی جا سکیں۔
اجلاس کے اختتام پر ایگزیکٹو ممبر راجہ شہزاد احمد کی جانب سے شرکاء کے اعزاز میں ظہرانے کا اہتمام کیا گیا۔
