سوہاوہ: دی ویژن سکول اینڈ کالج بڑاگواہ میں ڈائریکٹر چوہدری احسن محمود کی جانب سے ایک پروقار افطار و ڈنر کا اہتمام کیا گیا۔
افطار ڈنر میں علاقے بھر کی نمایاں شخصیات، اساتذہ کرام، سماجی رہنما اور عوام کی بڑی تعداد نے شرکت کی۔ افطار کی تقریب میں معروف نعت خواں چوہدری صغیر عاصی نے روح پرور کلام پیش کیا جس نے حاضرین کو مسحور کردیا۔
اس موقع پر سابق سینئر ہیڈماسٹر راجہ محمد انور کیانی، سابق ہیڈماسٹر چوہدری شوکت، سابق سیکرٹری یونین کونسل اڈرانہ چوہدری عبدالرزاق، سابق ناظم و چیئرمین یونین کونسل کوہالی چوہدری عاشق حسین، چوہدری فدا الحق، سماجی شخصیت چوہدری مسعود احمد، ریٹائرڈ استاد چوہدری ساجد حسین، ڈائریکٹر نیشنل سکول اینڈ کالج نگیال چوہدری عامر، چوہدری سجاد (چوہدری کتاب گھر دینہ)، راجہ کامران (دینہ)، ڈائریکٹر احسن پبلک سکول اینڈ کالج پدھری چوہدری محمد نبیل، پرنسپل روہتاس انٹرنیشنل سکول راجہ شہزاد، ہیڈ ماسٹر گورنمنٹ ایلیمنٹری سکول حسنوٹ چوہدری زاہد، ماسٹر چوہدری ساجد، ماسٹر چوہدری آصف، ماسٹر آصف کیانی، ماسٹر شاہد محمود، ماسٹر چوہدری مسعود، چوہدری اکرام الحق، ماسٹر احسان الحق، ماسٹر زبیر اکبر، ماسٹر فقراض احمد، ماسٹر رضا، طارق محمود سمیت دیگر اساتذہ کرام، طلبہ و طالبات کے والدین، مقامی دوکاندار اور معززین علاقہ نے بھرپور شرکت کی۔
یہ تقریب ایک بہترین سماجی و روحانی اجتماع کی شکل اختیار کرگئی، جس میں مقامی برادری کے مابین بھائی چارے اور یکجہتی کے جذبات مزید مضبوط ہوئے۔ تقریب کے اختتام پر محمد نبیل کیانی نے دعا کروائی اور امت مسلمہ کی بھلائی، وطن عزیز کی سلامتی اور ترقی کے لیے خصوصی دعائیں کی گئیں۔
عوامی حلقوں کی جانب سے ڈائریکٹر چوہدری احسن محمود کو اس شاندار تقریب کے انعقاد پر خراج تحسین پیش کیا گیا اور امید ظاہر کی گئی کہ آئندہ بھی ایسے مثبت اور بامقصد اجتماعات منعقد کیے جاتے رہیں گے۔
