دینہ: ضلع جہلم میں غیر قانونی طور پر پیٹرول فروخت کرنے والوں کے خلاف پولیس کا بھرپور کریک ڈاؤن جاری ہے۔
ایس ایچ او تھانہ منگلا کینٹ اور ان کی ٹیم نے کامیاب کارروائی کرتے ہوئے غیر قانونی طور پر پیٹرول فروخت کرنے والے ملزم بشیر احمد کو گرفتار کر لیا۔
پولیس کے مطابق ملزم کے قبضے سے 90 لیٹر پیٹرول اور 24 ہزار 620 روپے نقد برآمد کیے گئے۔ غیر قانونی کاروبار میں ملوث ملزم کے خلاف متعلقہ قوانین کے تحت مقدمہ درج کر لیا گیا ہے، جبکہ مزید تحقیقات جاری ہیں۔
پولیس حکام کا کہنا ہے کہ ضلع بھر میں غیر قانونی طور پر پیٹرول فروخت کرنے والے عناصر کے خلاف بلا تفریق کارروائیاں جاری رہیں گی تاکہ کسی بھی ممکنہ حادثے یا ناخوشگوار واقعے سے بچا جا سکے۔
