پنڈدادنخان: تھانہ للِہ پولیس نے منشیات فروش کے خلاف بڑی کارروائی کرتے ہوئے بھاری مقدار میں منشیات برآمد کر لی جبکہ ملزم کو موقع پر گرفتار کر لیا گیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایات پر جہلم کی تحصیل پنڈدادنخان میں ایس ایچ او تھانہ للِہ اور ان کی ٹیم نے کامیاب کارروائی کے دوران منشیات فروش کو گرفتار کیا۔ پولیس حکام کے مطابق ملزم کے قبضے سے 2 کلو 300 گرام چرس برآمد کی گئی ہے۔
پولیس نے ملزم کے خلاف تھانہ للِہ میں منشیات ایکٹ کے تحت مقدمہ درج کر لیا ہے۔
ترجمان پولیس کا کہنا ہے کہ ملزم کو ٹھوس شواہد کے ساتھ عدالت میں چالان کیا جائے گا اور قرار واقعی سزا دلوائی جائے گی تاکہ منشیات فروش عناصر کو قانون کی گرفت میں لا کر معاشرے کو منشیات سے پاک کیا جا سکے۔
