دینہ میں کپڑے کے تاجر سے نامعلوم شخص 4 لاکھ روپے چھین کر فرار ہو گیا، پولیس نے ملزم کی تلاش شروع کر دی۔
تفصیلات کے مطابق جہلم کی تحصیل دینہ میں جی ٹی روڈ کراس کرتے ہوئے گوجرانوالہ کے کپڑوں کے تاجر محمد یونس سے 4 لاکھ روپے کی نقدی چھین لی گئی۔ واردات کے بعد نامعلوم ملزم رکشہ میں سوار ہو کر فرار ہو گیا۔ پولیس تھانہ دینہ اور سٹی چوکی دینہ نے فوری موقع پر پہنچ کر کارروائی کا آغاز کر دیا۔
@jhelumupdates جہلم: دینہ میں ڈکیتی کی واردات، نامعلوم شخص کپڑوں کے تاجر سے 4 لاکھ روپے چھین کر فرار #JhelumUpdates #LatestNews #fyp #breakingnews #foryoupagе #viralvideos #dina #jhelum ♬ original sound – Jhelum Updates
گوجرانوالہ کا رہائشی کپڑوں کے تاجر محمد یونس ولد عبدالحکیم گزشتہ روز دینہ کے مختلف دکان داروں سے کپڑوں کی رقم وصول کر کے مین بازار سے فارغ ہوا۔ جی ٹی روڈ لاہور سائیڈ پر پیدل کراسنگ کے دوران وہ سڑک کے درمیان رکا ہوا تھا کہ اسی دوران ایک نامعلوم شخص، جس نے اپنا منہ اور سر کپڑے سے ڈھانپ رکھا تھا، اچانک جھپٹا مار کر اس کے ہاتھ میں موجود شاپر چھین کر بھاگ گیا، جس میں 4 لاکھ روپے کی نقدی موجود تھی۔
ملزم نے واردات کے بعد سڑک پار کی اور ایک رکشہ میں سوار ہو کر راولپنڈی کی جانب فرار ہو گیا۔ متاثرہ تاجر کے مطابق اس کی قمیض کی جیب میں موجود مزید 2 لاکھ روپے محفوظ رہے۔
واقعے کی اطلاع ملتے ہی ایس ایچ او تھانہ دینہ راجہ ایاز محمود اور انچارج پولیس سٹی چوکی بھاری نفری کے ہمراہ موقع پر پہنچے اور جائے وقوعہ کا معائنہ کیا۔ پولیس نے محمد یونس کی درخواست پر نامعلوم شخص کے خلاف مقدمہ درج کرتے ہوئے تفتیش کا آغاز کر دیا ہے۔
