دینہ پولیس نے چوری کے مقدمہ میں اہم کامیابی حاصل کرتے ہوئے تین ملزمان کو گرفتار کر لیا۔
تفصیلات کے مطابق ڈی پی او جہلم طارق عزیز سندھو کی خصوصی ہدایت پر جہلم کی تحصیل دینہ میں ایس ایچ او تھانہ دینہ اور ٹیم نے ایک شہری کی درخواست پر فوری کارروائی کرتے ہوئے ملزمان کو گرفتار کیا۔
پولیس کے مطابق گرفتار ملزمان کے قبضہ سے آرٹیفیشل جیولری، 50 ہزار روپے نقدی، دو عدد موبائل فونز اور قیمتی گھڑیاں برآمد کی گئیں۔
پولیس ترجمان نے بتایا کہ ملزمان کے خلاف ٹھوس شواہد اکٹھے کر لیے گئے ہیں، جنہیں چالان کر کے عدالت میں پیش کیا جائے گا تاکہ انہیں قرار واقعی سزا دلوائی جا سکے۔
