سوہاوہ: ضلع جہلم میں پنجاب ایجوکیشن فاؤنڈیشن (PEF) اور ٹیلی تعلیم کے باہمی اشتراک سے چلنے والے 83 اسکولوں میں 14 اگست یومِ آزادی بھرپور قومی جذبے اور جوش و خروش کے ساتھ منایا گیا۔
تمام اسکولوں میں جشنِ آزادی کی تقریبات کا انعقاد کیا گیا جن میں طلبہ نے ملی نغمے، تقاریر اور آزادی کے حوالے سے مختلف سرگرمیاں پیش کیں۔ اس موقع پر جشنِ آزادی کے کیک بھی کاٹے گئے، جبکہ والدین، اساتذہ اور مقامی برادری کے افراد نے بھی بڑھ چڑھ کر شرکت کی۔
یومِ آزادی کے موقع پر ہر اسکول میں شجر کاری مہم کے تحت پودے بھی لگائے گئے تاکہ تعلیم کے ساتھ ساتھ سبز اور صاف ماحول کی ترویج بھی ممکن بنائی جا سکے۔
ضلعی پروگرام منیجر پی ایس آر پی جہلم، افضال ندیم (ٹیلی تعلیم) نے تقریب سے خطاب کرتے ہوئے کہا کہ یومِ آزادی کی تقریبات کو تعلیم اور ماحول دوست سرگرمیوں کے ساتھ منانا قومی یکجہتی اور مثبت سوچ کی عکاسی کرتا ہے۔
