جہلم میں سلسلہ نقشبندیہ اویسیہ کے زیر سایہ قائم الفلاح فاؤنڈیشن پاکستان کے زیر اہتمام فری میڈیکل کیمپ کا انعقاد کیا گیا۔
یہ کیمپ مالک میڈیکل اسٹور چک جمال روڈ نزد کے ڈی سی پلائی ووڈ فیکٹری جہلم میں سہ پہر 3 بجے سے 5 بجے تک منعقد ہوا۔
کیمپ میں چائلڈ اسپیشلسٹ سمیت میڈیکل ٹیم نے مریضوں کا مفت معائنہ کیا اور فری ادویات فراہم کیں۔ علاقے کے مرد و خواتین بڑی تعداد میں کیمپ میں شریک ہوئے اور علاج معالجے کی سہولیات سے مستفید ہوئے۔
اس موقع پر ملک افتخار حسین اعوان سرپرستِ اعلیٰ آل پاکستان پرائیویٹ اسکول ایسوسی ایشن کے علاوہ علاقہ کی سیاسی و سماجی شخصیات نے بھی شرکت کی اور فاؤنڈیشن کی کاوشوں کو سراہا۔
یاد رہے کہ الفلاح فاؤنڈیشن پاکستان، سلسلہ عالیہ نقشبندیہ اویسیہ کی ذیلی تنظیم ہے جو شیخ سلسلہ امیر عبدالقدیر اعوان کی زیر نگرانی ملک بھر میں فلاحی و رفاہی خدمات سرانجام دے رہی ہے۔
کیمپ کے دوران مریضوں نے فاؤنڈیشن کا شکریہ ادا کرتے ہوئے شیخ سلسلہ امیر عبدالقدیر اعوان کو دعاؤں سے نوازا۔
اس موقع پر فاؤنڈیشن کے ذمہ داران نے اس عزم کا اعادہ کیا کہ وہ شیخ سلسلہ عالیہ کی سرپرستی میں مستقبل میں بھی اس طرح کے فری میڈیکل کیمپس کا انعقاد جاری رکھیں گے۔
